Хируршка интервенција кај нестерилизирана кучка со тумор на млечни жлезди
Кај кучка на возраст од 12 години беше дијагностициран тумор на млечните жлезди. Пациентот претходно не беше стерилизиран, што го зголеми ризикот за појава на хормонално зависни тумори.
Куче со тумор на млечните жлезди пред операција
Што беше направено?
1. Отстранување на туморот (мастектомија):
Со хируршка прецизност, туморот беше целосно отстранет, заедно со засегнатиот дел од млечната жлезда.
2. Стерилизација:
Заедно со отстранувањето на туморот, беше изведена и стерилизација (овариохистеректомија) за да се спречат идни здравствени компликации.
Зошто е важна стерилизацијата кај постарите женски кучиња?
Нестерилизираните кучиња имаат поголем ризик од појава на тумори на млечните жлезди и инфекции на матката (пиометра). Стерилизацијата не само што го продолжува животот на животното, туку го подобрува и неговиот квалитет.
Постоперативна нега
По операцијата, кучката беше внимателно следена, дадена терапија против болка и антибиотик. Сопственикот доби инструкции за одржување на раната и следење на здравствената состојба.
Прогноза
Со успешно извршената хируршка интервенција и стерилизација, прогнозата за кучката е поволна.
